यो पृष्टमा हार्दिक स्वागत छ। मनलाई बुझौं, खुलेर कुरा गरौं र परिवर्तन आफैबाट सुरु गरौं। चेतना शक्ति हो जो कहिलै मर्दैन.

Thursday, December 31, 2009

नव वर्ष: अन्तिम परीक्षाको वर्ष

सम्पूर्ण मेरा पाठक, शुभचिन्तकहरु र मेरो देशलाई नयाँ वर्षको हार्दिक मंगलमय शुभकामना।

नयाँ वर्ष सुरु हुदै छ। यो क्रम रोकिने पनि हैन तर हरेक समय जसो शुभकामनाको बहार पनि चलिनै रहन्छ। सधै जसो सबैको राम्रो होस, सबैको शुभ होस भनेर भनिरहदा; कयौ नराम्रा र नराम्रा दुबै कामहरु भएका छन्। तर मलाई यो वर्षको सुरुवात सगै नयाँ आशा पलाएको छ। केही त हुन्छ यो वर्ष। मुल्याङ्कनको दुबै दर्जामा बसेर हेर्दा केही नौलो त पक्कै हुन्छ जस्तो लाग्छ। शुभ वा अशुभ के हुने हो तर पनि शुभकै कामना गर्दा राम्रो र शान्ति होला मन र तन सबैलाई। कुरा प्रष्ट रुपमा देशकै गर्न खोजिरहेछु म आज पनि। निकै आशा छ हामीलाई यो वर्ष। हामीले नयाँ समाज र नयाँ दिनको कामना गरिरेहेका छौ। निकै लामो यात्रा तय गरिरहदा लाग्नु स्बभाबिक हो कि, हामीले निकै र अनेकौ हुने नहुने कुराहरुको आशा गरिरहेका छौ। शान्ति सुव्यवस्था र सभ्य समाजको कल्पना गरे अनुरुप काम गर्न यो वर्षले हैसियत राख्छ जस्तो लागिरहेको छ। यो वर्ष बास्तबमै हाम्रो लागि सहज छैन। हामीले सोचे जस्तो सरल र हेरेक वर्ष आदन प्रदान गर्ने शुभकामना भन्दा फरक नतिजा दिनु पर्ने छ यो वर्षले।


यो वर्षले हामीलाई नयाँ पहिचान दिने छ। हामी आशा गरौं सकरात्मक होस तर नकरात्मक हुन पनि सक्छ। हामी समयको यो बेग सगै कि त टाउको ठाडो गरेर बाच्ने नेपाली भएर वा शीर निहुराएर बाच्नु पर्ने युद्ध र द्वन्द्वका पारखी हुने कुराको निर्धारण गर्ने छ। हामी कि त मेलमिलाप र शान्तिको एक पृथक पहिचानको देश र हाम्रो सर्बब्यापी एउटै जात नेपाली र एउटै धर्म नेपाल राष्ट्रियता लिएर बाच्न पाउने छौ, कि त हजारौ टुक्रामा बाँडिएर, आफू सग भएको पनि गुमाएर निर्वस्त्र नाग्गो रुपमा विश्व सामु उभिन बाध्य हुने छौ।


यो वर्षले हामीलाई निकै शंकाको घेरामा उभाउने छ। हामीलाई ठूलो परिक्षा दिनु पर्ने छ यो वर्ष। साना साना त्रैमासिक परीक्षाको अन्तिम, ठूलो बार्षिक परिक्षाको समय हुने छ यो वर्ष। भईरहेको पुराना त्रैमासिक परीक्षाहरु बिगारेर तितो अनुभव गरिरहेका हामीलाई अन्तिम वार्षिक परीक्षाको लागि निकै काम गर्नु पर्ने पनि छ। तर निर्विकल्प रुपमा हामीलाई उत्तीर्ण बन्नु पर्ने यो वर्षले थप रक्तपात, युद्ध र द्वन्द्वको घेरामा हामीले जान नपरोस। यो बर्ष शान्ति-बालकको जन्मको लागि प्रसव वेदनाको बर्ष हुने छ हाम्री आमाको लागि। आशा गरौ, यो प्रसव वेदनाले नेपाल आमाको र शान्ति बालक कसैले पनि ज्यान गुमाउन नपरोस। जे भए पनि गर्नु पर्ने चाहिँ हामीले नै हो।


त्यसैले.........

यहाँ न त

कुनै मानवको पुन:जन्म हुन्छ,

न त यहाँ नौलो सृष्टि आउँछ,

धीप्प धीप्प बलेको बत्ति जस्तो

आशा नभएको जीवन बनाईसके पछि

को नै पुन: लिन आउछ!!

यहाँ न त

कुनै ईश्बरको पुन: जन्म हुन्छ,

न त यहाँ नौलो ब्रम्हानै आउछ,

त्वाप्प त्वाप्प चुहेको पानी जस्तो,

आशा नभएको धारा भईसके पछि

को नै पुन: खोल्न आउछ!!!

यहाँ न त

कुनै आशाको पुन:जन्म हुन्छ,

न त यहाँ कुनै मधु र मालती नै आउछन्,

ढलमल ढलमल भएको हाँगा जस्तो

आशा नभएको शाखा भईसके पछि

को नै पुन: जोड्न आउँछ!!


त्यसैले जे गर्नु छ हामी आफैले गर्नु छ। हामी आफैले पार लगाउनु छ हाम्रो आशाहरुलाई। बिशेष यो नयाँ वर्षले हामीलाई यस्ता एक र अनकौ निराशाहरु माथि विजय गरेर नयाँ आशाका दिनहरुको सुरुवात गरेको देख्‍न पाईयोस.... सबैलाई चेतना भया!!!!!

Comments :

13 comments to “नव वर्ष: अन्तिम परीक्षाको वर्ष”

हो दाजु , हामी आफैले गर्नु छ । हामीमा त्यो धैर्यता कायम गर्न सकूँ । शुभकामना ।

वसन्त बलामी said...
on 

नयाँ बर्ष सन् २०१० को ब्लग लगायत सम्पूर्ण आगन्तुक हरुमा मिठो शुभकामना!!!
२०१० को नयाँ बिहानीमा ब्लग संगै जीवनले सफलताको पाइला हरु अझै अगाडी बढाइरहोस् ।

डीआर न्यौपाने'सूर्य' said...
on 

यहाँलाई पनि २०१० को हार्दिक शुभकामना है !

Aakar said...
on 

नववर्ष 2010 को धेरै धेरै शुभकामना है सर!!

Ashesh said...
on 

उत्तम विचार!

दूर्जेयजी र यो ब्लगका सबै पाठकहरुमा नव वर्ष २०१० को हार्दिक मंगलमय शुभकामना!

Basanta said...
on 

तपाँई लगायत यस ब्लगका सम्पुर्ण पाठकहरुमा नव वर्ष २०१० को हार्दिक मंगलमय शुभकामना!

Unknown said...
on 

आशा गरौं नयाँ वर्षले सकारात्मक सोच, सुधार र 'चेतना' ल्याउने छ ।

मेरो तर्फबाट पनि हार्दिक मंगलमय शुभकामना !

Dilip Acharya said...
on 

Eyes r filled with pond of tear
Mind is filled with unknown fear
Heart is paining hard 2 bear
In this condition
How can say u
HAPPY NEW YEAR

एकल यात्री said...
on 

आशा गरौं हामीले सोचे अनुरुपकै हुनेछ नयाँ वर्ष ।
हजुरलाई नववर्षको शुभकामना छ ।

Anonymous said...
on 

पुरा होस् नया बर्षको यो कामना,
सुन्दर लेखाइ र मिठो कविता ...
नया बर्षको हार्दिक मंगलमय शुभ कामना ...

कृष्णपक्ष said...
on 

दुर्जेय - जी ! ढिलै भए पनि ह्यापी न्यु इएर २०१० !

बेद नाथ पुलामी ( उमेश) said...
on 

केही त हुन्छ यो वर्ष।यो वर्षले हामीलाई नयाँ पहिचान दिने छ।त्यस्तै होस् |राम्रो पहिचान मिलोस|तपाइंलाई पनि नयाँ बर्षको शुभकामना !पहिचान बदलिने छ तपाइंको पनि, ल है अब अलिकति .....बाँकी |

Chaitanya said...
on 

सबै साथीहरुलाई धन्यवाद!!
चैतन्य जी तपाईको कुरा मैले बुझे। हाहा। ल धन्यवाद है तपाईलाई। यो वर्ष धेरै बदल्ने छन् पक्कै पनि।

दूर्जेय चेतना said...
on 

Post a Comment